Pausoka, inklusioaren bidean

Inpaktantea izan zen hitzaldi hau. Errealitatea erakusten zuten bideoak jarri zituen eta lehenengo
pertsonan pasatako pasarte bat kontatu zuen Maitederrek, hausnarketarako hitzaldi paregabea
izan zen. Etorkizuneko irakasle bezala puntu hauek azpimarratzea gustatuko litzaiguke: 

• Nahiz eta geletan material eta baliabide asko egon, hitzaldi honen ostean konturatu ginen benetan
   ez daudela haur guztien beharretara egokitutako materialak. Gure iritziz, hobea litzateke material
   gutxiago eduki gelan baina benetan haur guztien beharrak asetzeko gai direnak.
• Oso garrantzitsua iruditu zitzaigun haurra eskolan nola aurkeztua izan zen entzutea. Hau da, bere
   zaletasun eta barne ezaugarrietan zentratuz aurkeztu zuen haurra bere ikaskideen aurrean.
• Eskolaratzeko dauden arazoak asko inpaktatu gintuen. Izan ere, uste genuen, ekonomiak bakarrik
   ekartzen zituela arazo hauek eta ez da horrela. Hitzaldiaren ostean konturatu ginen aniztasun
   funtzionala duen haurra eskolaratzea dirudiena baina zailagoa dena.
• Irakaslearen formazioa ezinbestekoa da haurrekin esku hartze egoki eta on bat egiteko.
• Helduok ikusten ditugun ezberdintasun fisikoak haurrek ez dituzte ikusten eta uste dugu irakasle
   bezala beraietatik ikasi beharko genukeela. Izan ere, askotan helduok jartzen ditugu muga edo 
  oztopoak baina errealitatean haurrek ez dute inongo arazorik ikusten, beraien artean denak
   berdinak direla sentitzen baitute.
• Ordutegiaren malgutasuna ezinbestekoa iruditzen zaigu egoera hauen aurrean.
• Irakasle aldaketa erronka gordin bat da haur hauentzat, alderdi emozionalari dagokionez asko
   hunkitzen baititu. Asko kostatzen da irakasle-ikasle arteko atxikimendua sortzea eta behin hau
   sendotuta dagoela irakasleez aldatzea erronka handi bat da. Berriro hasiera puntutik abiatzea
   tokatzen bazaio haurrari.

Laburbilduz, baliagarria izan zaigu hitzaldi hau aniztasunaren gaineko ikuspegia zabaltzeko eta
 errealitatea gertuagotik ezagutzeko aukera eskaini baitigu.