Tabakalerara bisita

Talde bezala, aniztasunaren inguruko definizio zehatz bat ezagutzen genuen baina

Tabakalerara joan ostean  ohartu gara aniztasunaren esparrua oso zabala eta abstraktua

dela. Beraz, ez dago definizio zehatzik. Gehien harritu  gintuen kontzeptua, ikasi-desikasi

ekintza izan zen. Izan ere, aniztasunaren definizioa egoera eta testuinguruaren arabera

aldatzen doa, horregatik gure barne ideiak aldatzen eta berriro eraikitzen joan behar dute.

Irakasle bezala ezinbestekoa izango da, ikasi-desikasi prozesu batean etengabe egotea.

Bigarrenik, aniztasunean hain garrantzitsuak diren sentimenduei erreparatu diegu.

Horretarako “el intruso” esposizioan ageri den hormigoizko muroa eta bertan entzun

daitezkeen bihotz taupadak erabiliko ditugu adibide gisa. Artelan honek emozio ezberdinak

sorrarazi zizkigun, hala nola ezjakintasuna, deserosotasuna, hotza, gogorra, arrotza…

emozio guzti hauek gure ezagutzak  birplanteatzera eraman gaituzte. Izan ere, gu gure

errealitatea ezagutzen dugu besteen errealitatea oso ezberdina izan daitekeela kontuan hartu

gabe.

Pertsonok askotan harresi bat jartzen dugu beste pertsonekiko, aurre iritziak medio, haien

sentimendu eta bizipenak kontuan hartu gabe.Horrek ez digu uzten beste pertsonarengana

hurbiltzea, oztopo baita, eta ezin dugu ondo ezagutu beste aldean dagoena. Gure kasuan, adibidez,

haur bat izango litzateke eta  aurrez aipatutako oztopo horrek haurrarekiko dugun jarrera baldintzatu

du.

Hormigoizko horma (bihotza)

Irakasle paperean oinarrituz esan dezakegu funtzio garrantzitsu bat daukala haurren bizitzan, bera

baita askotan haurren “salbatzaile”. Haurrarekiko duen harresia apurtzen badu, haurrarengana

iristeko aukera gehiago izango ditu, esku hartzea egokiago bat eskainiz.

Amaitzeko, bigarren erakusketak, Landa Lan, eskainitakoari buruz hitz egingo dugu. Azkenik,

aipatutako ideiaren harira, esan dezakegu irakaslearen ekintzak aztertu eta rekopilatzeko baliabide

eraginkor bat izan daitekeela bideoa. Izan ere, grabaketei esker hezitzaileek dituzten esku hartze eta

jarrera anitzen gaineko ondorio eta hausnarketak atera ditzakegu. Lanketa honi esker, egiten ditugun

ekintzez ohartarazi eta hauek hobetzeko aukera eskaintzen digute, haurrarekiko dugun irakaskuntza-

Ikaskuntza hobeago bat bermatuz.

Azkenik, aipatu beharra dago, haurrak bizitzen ari diren momentuaz jabetu egin behar garela izan

ditzaketen beharrei erantzun egoki bat emateko. Horretarako, familiarekin kontaktuan egotea oso

garrantzitsua da  haurraren egoera zein den jabetzeko eta horren aurrean erantzun bat edo beste

emateko. Irakaslearen esku-hartzeak aldaketa handiak eragin ahal ditu ikasleengan eta beraz

hauetaz ongi informatuta egotea eta haurrei transmititu nahi zaizkien ezagutza berrien inguruan

formakuntzak jasotzea ezinbertzekoa izango da haurraren ikaskuntza eta zoriontasuna lortzeko.