Calcuta Ondoan

Gaur Calcuta Ondoanekoak etorri dira hitzaldia ematera. Taldekide guztien iritziz, hitzaldi hau izan da
 jasotako hitzaldi guztietatik probetxuzkoena. Izan ere, ez digu aniztasunaren gaineko perspektiba
 asko zabaldu, baina beste hitzaldietan jasotako informazio guztia praktikan jartzeko aukera ezin
 hobea izan da.

Bertan egin ditugun ekintza desberdinak guk etorkizun batean erabiltzeko baliagarriak ikusten ditugu.
Hauek, testuinguru desberdinetan erabili daitezkeelako eta gai desberdinak lantzeko aukera eskaintzen
dutelako. Proposatutako ekintzei eta beraiek edukitako jarrerari esker lortu dute gu eroso, lasai eta
seguru egotea ekintzak egiterako garaian.

Bestetik, etorkizuneko irakasle bezala garrantzitsua iruditzen zaigu jarraian aipatuko dugun ideia kontuan
hartzea: gizartearen garrantzia ezinbestekoa da gure eguneroko batean, izan ere, norbanako bakoitza
ezberdina eta bakarra da bata bestarengandik, baina askotan gizartearen eraginez homogeneotasunera
iristen gara. Honen aurrean, gure etorkizuneko geletan haur bakoitza indibidualki eta bakarka hezteko
 aukera eskaini nahi dugu.

Azken ideiaren harira, Calcuta Ondoanekoek ebaluazio irizpide berri bat aurkeztu digute. Material
desberdinei esker saioan sentitu duguna eta saioa bera ebaluatzeko aukera eduki dugu (borragoma,
orratza, ispilua, maskorra, katilua, plastilina....). Ebaluatzeko modu berri hau originala iruditu zaigu eta
gure etorkizuneko geletan erabiltzeko baliagarria ikusten dugu. Modu honetan, ikasle bakoitzaren iritzi
pertsonala eta sentitu dituen emozio oro kontuan hartzen dira.